Galata Mevlevihanesi Tamir Olunmak için Hudavendigâr-ı Esbak Şehid Sultan Selim Han Hazretleri Huzurlarına Takdim Olunan Kaside-i Râ'nâlarıdır Gönül bir beyt-i mâ'mûr u safâdır aşk mi'mârı Yâtır ammâ ki şimdi başka bâmı başka dîvârı Hikest olmuş kederden öyle bir âyîne-i esrâr Ederken gıbta-keş sûret gerân-ı Çin ü Ferhârı Rasâdgâh-ı Aristodan nümûdâr olmuş ol hâne Ki yanî seyr eder sükkânı seyr-i çarh-ı devvârı Bulunmâz zîr-i sakf-ı âsmânda böyle vîrâne Serâser Müşteridir Zühredir gülmîh ü mismârı O rütbe hurdekâr oymuş ki kirmân tahta-i ferşin Eder pür-neng ü noksân dest-i Fahri-i makaskârı Ne vîrân dîde-i ehl-i basîretdir ana revzen Aceb mi ankebûtî perdelerden olsa âstârı Hâbâb-asâ giderdi seyl ile deryâya bî-şübhe Eger sûrâhlarından olmâsaydı menfez-i cârî Edip te'sîr hakkâ sohbeti uşşâk-ı bî-nâmın Tamâm ermiş fenayâ kalmâmış hestinin âsârı Olur nây u kudûmün naImesinden ditreyip raksân Velî ifşâ-yı esrârından eyler hiştendârî Telâşım şimdi dâim kesret-i bârândandır hep Meger vîrân binâya bâr olmuş râhmet-i Bârî Serâser yâycı dükkânına dönmüş zîr ü bâlâsı Egilmiş bir târafdan kalmâmış bir cây-ı hem vârı Gelip mevt-i irâdî “İhn-i menfûş” etmiş eczâsın Hüveydâ her yanında “Tâmettül-Kübrâ”nın âsârı Çürük kettâne dönmüş tahtalar bir rütbe kim gâhî Verir seylâba râhtın mâhtâbın tâb-ı envârı Kolaylanmış kâbûl-i hüsn-i ta'mîr etmege zîrâ Delikler var ki muhtâc eylemez girbâle neccârı Ser-i engüşt ile mânend-i peşşe hedmi mümkindir Bıraksın çîre dest üstâdlar tîşeyle minşârı Nukûş-ı hendesînden müstakîmin gayri hep mevcûd Mu'avvecler mukavveslerle memlû tâk u dîvârı Dedim âyâ nedendir böyle vîrâne kaldığı çokdan Olurken mânzar-ı ayn-ı hidîvân-ı keremkârı Dedi peyk-i beşâret sâhibîn gözlerdi olma mâ'bed Açıp revzenleri dest-i du'âyı çeşm-i bîdârı Rükû'ı dâimînden sonra etmek idi maksudu Du'â-yı devlet-i şâhenşehîde böyle ezkârı Cenâb-ı Han Selîm-i mâ'delet-güster ki devrinde Olur tanzîm dehrin çok bîna-yı na-behencârı O şâh-ı mürtezâ-heybet ki birden müstezâd eyler Kemâl-ı lutf-ı tâb'ı nice beyt-i sâ'b u düşvârı O hurşîd- i celâlet ki tülu'u verdi âfâka Peyâm-ı kâhramânı dâsitân-ı zûr-ı Kerrârı Bu sıdk u niyyet ü ikbâl ü himmet anda kim vardır Eder elbette munzam mülk-i Rûmâ Rûs u Bulgârı Gönülden etmiş idim tali'-i vâlâsın istihrâc Ben asla söylemem kavl-i nücûmu remz-i ceffârı Neler yapsa gerek seyr eyle Allâh ömrler versin Muradı dîne davet eylemekdir çarh-ı gaddârı Hehenşâha peygamber-mesnedâ sensin o server kim Gelir her yüzde bir İslâma etmekçün meded-kârı Gubâr-ı sümmi rahşından çekerler kuhl-ı mâksudu Sipihr-i izz ü şânın sâbîtânı heft-seyyârı Cihânda hâb u râhat kalmamışdı belki rü'yâda Görenler zıll-ı memdûdunda gördü baht-ı didârı Heb-i hecr âhir oldu gün yüzün gördük bihamdillâh Sâbâh-ı vuslatın oldu nümâyân neşr-i envârı Süleymân-ı zamân oldugun izhâr etdîn âfâka Edip rû-pûş kâbr-i pîri yani Monlâ Hünkârı Biraz fahriye etsin sonra hatm edip duâ kılsın Eger me'zûn edersen Gâlib-i bî-tâb u nâ-çârı Muhâl add eylemişlerken gazelde şâirân-ı Rûm Ben îcâd edeyim ol şevketâne târz-ı eş'ârı Kasîde semtin ihyâ etmedir sâyende maksudu Ferâmuş etdirem şâirlere Urfî-i sehhârı Pey-â-pey tehniyetler nice târîhi meserretler Edem inşa ki etsin gıbta-keş yâran sitemkârı Selâset tavrını bir rütbe icrâ eylesin hâmem Ki kalsun âb-ı Hızrın ezberinde hüsn-i reftârı Hemân Allâh efendim ömrün efzûn eylesin efzûn Olur bir gün nümâyân edilen dâvâtın âsârı Şeyh Galip Divanı Şeyh Galip Mesnevi Şeyh Galip Hüsn-ü Aşk Şeyh Galip Leyla ile Mecnun Galata Mevlevihanesi Fotoğrafları Galata Mevlevihanesi'nin onarımı için Şeyh Galip'in, Sultan 3. Selim'e sunduğu kaside Şeyh Galib Divanı Şeyh Galib Mesnevi Şeyh Galib Hüsn-ü Aşk Şeyh Galib Leyla ile Mecnun Şeyh Galip Galata mevlevihanesi Şeyh Galip Galata Mevlevihanesi Şeyh Galip Kaside